Jai Jai Jaaharveer Hare,Jai Jai Googa Veer Hare।
Dharti Par Aa Karke,Bhakton Ke Dukh Door Kare॥
॥ Jai Jai Jaaharveer Hare ॥
Jo Koi Bhakti Kare Prem Se,Haan Ji Kare Prem Se।
Bhaage Dukh Pare Vighn Hare,Mangal Ke Daataa Tan Ka Kasht Hare॥
॥ Jai Jai Jaaharveer Hare ॥
Jevar Raav Ke Putra Kahaaye,Raani Baachhal Maataa।
Baagad Janm Liyaa Veer Ne,Jai-Jaikaar Kare॥
॥ Jai Jai Jaaharveer Hare ॥
Dharm Ki Bel Badhaai Nish Din,Tapasyaa Roj Kare।
Dusht Janon Ko Dand Diyaa,Jag Mein Rahe Aap Khare॥
॥ Jai Jai Jaaharveer Hare ॥
Satya Ahinsaa Ka Vrat Dhaaraa,Jhooth Se Aap Dare।
Vachan Bhang Ko Buraa Samajhkar,Ghar Se Aap Nikare॥
॥ Jai Jai Jaaharveer Hare ॥
Maadi Mein Tum Kari Tapasyaa,Acharaj Sabhi Kare।
Chaaron Disha Mein Bhakt Aa Rahe,Aashaa Liye Utare॥
॥ Jai Jai Jaaharveer Hare ॥
Bhavan Padhaaro Atal Kshatra Kah,Bhakton Ki Sevaa Kare।
Prem Se Sevaa Kare Jo Koi,Dhan Ke Bhandaar Bhare॥
॥ Jai Jai Jaaharveer Hare ॥
Tan Man Dhan Arpan Karke,Bhakti Praapt Kare।
Bhaadon Krishna Naumi Ke Din,Poojan Bhakti Kare॥
॥ Jai Jai Jaaharveer Hare ॥